مالك

مالك !!
شكلك كده مش رايق!
إيه؟؟؟
مغبون ؟من كتر ما من الهموم سايق؟
ولا اتبعترت كتير من تيارات صدمتك؟
مش مهم ..صادم ولا مصدوم
المهم تقوم فايق
يالا فضفض كده وقوللي
مين لك غيري..؟
تحكيله من الخلايق..!

..

وسط الصراخ والعويل

وسط البكا والأنين

تتحشرج الأنفاس..تتخنق..تنكتم

تتشئلب الأفكار وتتهبد

علي كل فكرة منها يتقال ..يمكن

وإنك توصل لسببها ..مش ممكن

شمال ويا يمين

ترجع لك لحظة حنين

لوقت كنت قاعد هادي

منسجم بأفكارك..راسي

وتفوق م الهوجة وزعاببها

وتقول.. أهي موجة

وراحت بزبدها