تأملتها و أنا نائمة مستلقية..

رأيتها وهي تنحدر من جوف مقلتي..

تاركة أثر الطريق الذي اتبعته علي وجهي..

تأملتها وهي في دربها..ووجدتها..

صغيرة ضئيل حجمها..

جوفها عميق كالبئر يتسع لكثير من الأفكار..
خفيف وزنها..

ثقيلة بما تحمله داخل أركانها من أحزان..

شفاف لونها..

معتمة من ظلمة ما بها من الآم..

لامعة..تعكس نور عيني المنطفئ من البكاء..

إنها الدمعة...

أنا اللي بالأمر المحال اغتوي
شفت القمر..نطيت لفوق في الهوا
طلته..مطلتوش..ايه أنا يهمني
و لييه ما دام بالنشوة قلبي ارتوي
عجبي!!

بستفه!!!

بجد زهئانة أوي..مش عارفة ليه كده!عايزة إيه..مستنية إيه!
حاسة إن بئالي كتيييير أوي مستنية حاجة تحصل
معر فش إيه هي الحاجة دي!كل اللي أنا حساه إنها حاجة جامدة هتحصل
وهي اللي هتنططني..هتفرحني..هتقويني..هتغيرني...
هو التغيير
مش عارفة ده صح ولا لأ!!ولا هو في حاجة هتيجي ولا لأ!
ولو فيه! إيه هي الحاجة دي!!و ليه الحاجة دي؟!
اشمعني هي اللي لما هتيجي هتخليني أحسن!!
مش عارفة!طب لو مفيش .. أنا مستنية إيه!!!
و هفضل سايبة نفسي و ساكتة كده!
و ليييه أصلا ابقي مستنية حاجة تيجي...
ليه أنا ماروحش..مدورش علي اللي هيجي..
وأكيد هلائيه..لازم ألائيه..
دي حاجة من جوه مش من بره..
بجد إحنا ليه كده..ليه كسلانين كده..
و إحنا برده اللي بنشتكي من الملل والروتين وعدم الإنجاز
وعلي طول حاسيين اننا مالناش لازمة..
م لازم مادام إحنا كده يبقي مالناش لازمة..
ولا عمر ما هيبئي لينا لازمةبجد ..
بجد إحنا مملين!!
وبعدين ما فيش حد فينا ناقصه أي حاجة!
و إن كان ناقصه حاجة..فهي حاجات عمرها ما تعوق إنك تعمل حاجة..
كلنا بلا استثناء عندنا كل المقومات اللي تخلينا أحسن..
و أحسن من أحسن ما كنا إحنا نتوقع..
و علي فكرة الكلام ده مش جديد ..
كلنا عارفينه و كلنا سمعناه قبل كده..
و هنسمعه تاني و تالت ..فينا اللي هيتحرك..
و فينا اللي هيبئي محتاج المرة الرابعة والخامسة عشان يتحرك!!
بس نتحرك

!!!!!!